A.Simonetti - Ancor non torna |
"A la jeune Dame, mélancolique et solitaire"
Par seule Amour qui a tout surmonté,
On trouve grâce en divine bonté,
Et ne la fault par aultre chemin querre:
Mais tu la veulx par cruaulté conquerre,
Qui est contraire à bonne volunté.
Certes c'est bien à toy grand' cruaulté,
D'user en deuil la jeunesse et beaulté,
Que t'a donné Nature sur la terre
Par seule Amour.
A.S. - Ancor non torna (détail) |
En sa verdeur se resjouist l'Esté,
Et sur l'Yver laisse joyeuseté:
En ta verdeur plaisir doncques asserre,
Puis tu diras si vieillesse te serre
Adieu le temps, qui si bon a esté
Par seule Amour.